Wednesday, April 24, 2013

មុននេះមានដំណឹងជាច្រើនបាននិយាយដូចគ្នាថា iPhone 5Sមានច្រើនពណ៍អោយលោកអ្នកជ្រើសរើស។ ក្រុមហ៊ុនMoumantaiខាងផ្នែកលក់គ្រឿងបន្លាស់នៅប្រទេសជប៉ុនបានចេញមកអះអាងនិងបង្ហាញជើងទំរស៊ីមកាតដែលជាប្រភេទ Nano-SIM ដូចគ្នានិង iPhone 5 ផងដែរ ។ អ្វីដែលក្រុមហ៊ុន Moumantai បានបង្ហាញយើងឃើញថា ជើងទំរស៊ីមកាតនោះមានពីរពណ៍គឺ ពណ៍ប្រផេះនិងពណ៍ទឹកមាស ដែលនេះជាការសបញ្ជាក់អោយឃើញថា iPhone 5s ពិតជាមានច្រើនពណ៍មែនហើយ ។ សូមបញ្ជាក់ថារូបភាពដែលលេចចេញមកនេះ យើងមិនដឹងថាជាការពិតរឺមិនពិតយ៉ាងណានោះទេ គេហទំព័រយើងខ្ញុំនឹងជូនដំណឹងលោកអ្នកបន្ថែមទៀតអំពីដំណឹងនៃ iPhone 5s ប្រសិនបើមានដំណឹងថ្មីជាងនេះ ។